Wace, Le Roman de Brut (ou Brut d'Angleterre) (1155)

Le Roman de Brut (ou Brut d'Angleterre) est la plus ancienne chronique existante en vieux français sur les rois de Bretagne dont la lignée remonte au légendaire Brutus de Bretagne.

Texte
Molt ot a la cort jugleors,
Chanteors, estrumanteors ;
Molt poïssiez oïr chançons,
Rotruanges et noviaus sons,
Vïeleüres, lais et notes,
Lais de vïeles, lais de notes,
Lais de harpes et de fretiaus,
Lires, tympres et chalemiaus,
Symphonies, psalterions,
Monacordes, cymbes, chorons.
Asez y ot tresgiteors,
Joeresses et joeors ;
Li un dient contes et fables,
Auquant demandent dez et tables.
Teus i a joent a hasart,
Ce est uns geus de male part ;
As eschas joent li plusor,
Au geu del mat ou au mellor.
Dui et dui au geu s'aconpeignent,
Li un perdent, li un gaheignent,
Sor gaiges anpruntent deniers,
Onze por doze volantiers ;
Gaiges donent, gaiges seisissent,
Gaiges prenent, gaiges plevissent ;
Sovant jurent, sovant s'afichent,
Sovant boisent et sovant trichent ;
Molt estrivent, molt se corrocent,
Sovant mescontent, sovant grocent ;
Deus et deus gietent, et puis quernes,
Anbesas et le tierz et ternes,
A la foiee gietent quinnes,
A la foiee gietent sinnes ;
Sis, cinc, troi, quatre, dui et as
Ont a plusors toluz lor dras.
Bon espoir a qui les dez tient ;
Quant ses conpainz les a, se crient.
Asez sovant noisent et crient ;
Li un as autres sovant dient :
"Vos me boisiez, defors gitez,
Croslez la main, hociez les dez !
Je l'anvi avant vostre get !
Querez deniers, metez, g'i met !"
T'eus s'i puet aseoir vestuz
Qui au partir s'an lieve nuz.

Texte : http://bckg.pagesperso-orange.fr/french/wace.htm

Datation
Achevé en 1155

Auteur
Wace, dit aussi Guace ou Wistace (peu après 1100, Jersey – entre 1174 et 1183), poète normand. Au XVIIIe siècle, il a été prénommé de façon erronée « Robert Wace ».

Extrait de
[Robert] Wace, Le Roman de Brut, vers 1997-2040.

Conservation
Bibliothèque nationale de France, Département des Manuscrits, Paris
Inventaire n° Mss français 794 (date : 1201-1300).

Consultation en ligne
GallicaBnF