Jean Froissart, Joli Buisson de Jonece (1373), 2930svv

Texte
"Dist li uns : « J’en sçai .I. nouviel,                                 2930
Que je voel monstrer et apprendre
Et qui bien est tailliés dou prendre.
-- Quels est li jeus ? », on li demande.
Il respondi a le demande :
« C’est chils de le pince meurine.
Enfant de roy et de roÿne
Le poroient par honneur faire ».
Tout s’acordent a tel afaire,
Nuls n’i est a cui il ne place.
La fu li jeus jeués en place.                                            2940
Or nous couvenoit entre nous
Estre en estant ou en genous ;
Si nous asseïns environ
De ma dame et en son giron
Mist cascune et cascuns son doi
Pour le jeu dont parler je doi.
Et chils qui en fit le devise
Disoit ensi, quant je m’avise :
« Robins ne puet dormir ou clos
S’il n’est de flourettes enclos                                        2950
Et dist que ja n’i dormira
Jusqu’atant que s’amie ara.
-- Et un ! et deus ! Or vous levés,
Dist on a moy, vous le devés ».
Je me levai sans nul delai
Et un petit ensus alai,
Environ .X. ou .XI. apas,
Par quoi ne les oÿsse pas,
Et me mis en .I. buissoncel
Qui seoit dalés un moncel.                                           2960
Je croi que il fu fes pour mi,
Car il estoit tous croes parmi,
…"

(Froissart décrit ce nouveau jeu auquel les initie un des amis)

Extrait de
FROISSART, Le Joli Buisson de jonece, éd. A. Fourrier, Genève, Droz, 1975 (réimpr. 1977), p. 149-151, v. 2930svv. (Textes littéraires français, 222).

Datation
1373-1374

Auteur
Jean Froissart ou Jehan Froissart (Valenciennes, vers 1337 - après 1404) est l'un des plus importants chroniqueurs de l'époque médiévale.

Conservation
Bibliothèque nationale de France, Paris
Inventaire n° Mss français, 830, f. 170rb-213ra (B) |N|
Bibliothèque nationale de France, Paris
Inventaire n° Mss français, 831, f. 155ra-197vb (A) |N|

Consultation en ligne
Googlebooks