Étienne Boileau, Livre des m?tiers, titre LXXI (XIIIe si?cle)

© BnF

Texte
TITRE LXXI
Cist tytres parole des Deiciers de Paris.
I. Quiconques veut estre Deycier a Paris, ce est a savoir feseeur de dez a tables et a eschiés, d’os et d’yvoire, de cor et de toute autre manière d’estoffe et de metal, estre le puet franchement, pour tant qu’il œuvre aus us et as coustumes du mestier, qui tel sont :

(...)

IX. Nus Deicier ne puet ne ne doit achater euvre de son mestier devant que il voie l’euvre fete et apareilliée, car il avient aucune foiz que il i a contenz, qant aucun l’achate a terme, de ce que l’euvre n’est pas si bien fete ne si loiaument ne si netement comme ele deust.

X. Nus Deicier ne puet ne ne doit fere ne achater dez plonmez, quelque chance que il doinent, de quoi qu’il soient plonmez, soit de vif argent ou de plons : car l’euvre est fausse et doit estre arse.

XI. Nus Deisier ne puet ne doit fere ne achater dez mespoinz, ce est a savoir qui soient tous d’as, ou touz de II poinz, ou touz de III ou de IIII ou de V, ou touz de VI ; ou dez a deus II, ou a deus as, ou a deus V, ou a deus III, ou a deus IIII, ou a deus VI, que on apele per et nonper.

XII. Nus Deicier ne puet ne ne doit fere n’achater dez longnez, ce est a savoir dez frotez a pierre, car l’euvre est fausse : ne dez qui doinent IIII et III qui soient frotez a pierre, mès se il n’estoient ters il le pueent fere ; ne nule autre manière de dez ters, car ele fausse.

XIII. Quiconques mesprendra en aucun des articles devant diz, il amendera au Roy en v s. de parisis toutes les foiz que il en sera repris. Et doit estre toute la fausse euvre devisée arse et perdue, aveuc l’amende desus dite.

(…)

Extrait de
BOILEAU E. (éd. DE LESPINASSE R. & BONNARDOT F.), Le livre des Métiers, Paris, 1879, p. 149-151.

Datation
XIIIe siècle

Provenance
Paris

Auteur
Étienne Boileau (prévôt de Paris entre 1261 et 1271)

Support
Manuscrit

Dimensions
H 36cm x L 26 cm

Conservation
Bibliothèque nationale de France, Paris
Inventaire n° Manuscrits, français 11709, f. XXXIII

Consultation en ligne
Gallica BNF (édition de 1837) | Gallica BNF (édition de 1879)